Qreqori Pek

Vikipediya, azad ensiklopediya
Naviqasiyaya keç Axtarışa keç
Qreqori Pek
ing. Gregory Peck
Doğum adı Eldred Gregory Peck
Doğum tarixi 5 aprel 1916(1916-04-05)[1][2][…]
Doğum yeri
Vəfat tarixi 12 iyun 2003(2003-06-12)[1][3][…] (87 yaşında)
Vəfat yeri
Vəfat səbəbi bronxopnevmoniya[d]
Vətəndaşlığı
Fəaliyyəti kino aktyoru, xarakter aktyoru[d], film prodüseri, teatr aktyoru, televiziya aktyoru, aktyor, prodüser
Fəaliyyət illəri 1942-ci ildən
Təhsili
Boyu 189 sm
Mükafatları "İncəsənət və ədəbiyyat" ordeninin komandor dərəcəsi Prezidentin "Azadlıq" medalı National Medal of Arts
Ən yaxşı kişi roluna görə "Oskar" mükafatı
Kennedi Mərkəzinin fəxri mükafatı
IMDb ID0000060
gregorypeck.com
Vikianbarın loqosu Vikianbarda əlaqəli mediafayllar

Qreqori Pek (ing. Gregory Peck; 5 aprel 1916[1][2][…], San-Dieqo, Kaliforniya, ABŞ – 12 iyun 2003[1][3][…], Los-Anceles, Kaliforniya, ABŞ[4]) — ABŞ aktyoru. Pek 1940–1960-cı illərdə Hollivudun ən çox tələb olunan aktyorlarından biri olmuşdur. O, "Bülbülü öldürmək" filmindəki vəkil Attikus Finç roluna görə Ən yaxşı kişi roluna görə "Oskar" mükafatı laureatı (1962).

Həyatı

[redaktə | mənbəni redaktə et]

Eldred Qreqori Pek 5 aprel 1916-cı ildə Kaliforniya ştatının La-Hoyya şəhərciyində anadan olmuşdur. 3 yaşında ikən valideynləri ayrılmışdılar. Pekin atası qarışıq millətdən idi: atası ingilis, anası irland idi[5][6]. Hətta anası da qarışıq millətdən idi (atası şotland, anası ingilis)[7]. Qreqori Pek Los-Ancelesdəki Sent-Con hərbi akademiyasında və Kaliforniyanın Berkli universitetində təhsil almışdır.

Qreqori Pek təhsil haqqını dalandar və ofisiant işləyərək özü ödəyirdi. Universitetdə oxuduğu illərdə Pek ədəbiyyat və aktyorluq sənəti ilə xüsusi maraqlanır və hətta universitet teatrına üz tutur. 1939-cu ildə Qreqori Pek bakalavr dərəcəsi alır və bir dəfə aktyorluq həvəsi onda baş qaldırır. Bu zaman Qreqori Nyu-Yorka getməli olur.

Ciddi şikəstlik onu İkinci dünya müharibəsində xidmət etməkdən azad edir. Elə bu zaman onun bəxti gətirir və təqaüd almağa başlayır. 2 teatr mövsümündən sonra Pek Brodveyə doğru irəliləməyə nail olur. Brodvey teatrlarının səhnələrində onun ifa etdiyi hər üç tamaşa teatr tənqidçiləri və izləyiciləri tərəfindən müsbət qarşılanır. Pekin sorağı Hollivuda da gedib çatır. 1944-cü ildə Qreqori Pekə "Şöhrət günləri" filmində rus partizanı rolunu ifa etməyi həvalə edirlər[8].

Elə həmin ildə də (1944) "Şahlığın açarı" filmində çəkilir. Bu filmdə rol alması Qreqori Pekə ulduz statusu və ilk "Oskar" qazandırır. Həmin müharibə illəri zamanı Hollivudda bir növ aktyor qıtlığı yaranmışdı. Səbəb bütün məşhur aktyorların cəbhəyə yollanması idi. Buna görə də Qreqori Pek rejissorlar tərəfindən "əldən buraxılmayan tapıntı" kimi aramsız olaraq müxtəlif filmlərə dəvət alırdı.

50 illik aktyorluq fəaliyyəti zamanı Pek 50-dən artıq filmdə çəkilməyə nail oldu. Onu dəfələrlə "Oskar"a namizəd seçsələr də, yalnız bir dəfə – "Bülbülü öldürmək" filmində ifa etdiyi vəkil roluna görə bu mükafatı qazana bilir. Bu film 1962-ci ildə ekranlara çıxmışdı.

Nüfuzlu aktyor olmasına baxmayaraq, 1947-ci ildə Pek öz vətənində Mel Ferrerlə birgə əsasını qoyduğu kiçik "Pleyhauz" teatrında işləməyə razı olmuşdu. Ömrünün sonlarına yaxın bir nəfərin şousu ilə ("Qreqori Peklə söhbətlər") bütün Amerikanı gəzir. Burada o, özü haqqında danışır və dinləyicilərin verdiyi ayrı-ayrı sualları cavablandırırdı.

Qreqori Pek 12 iyun 2003-cü ildə 87 yaşında Los-Ancelesdə ürək çatışmazlığı və bronxial pnevmoniya diaqnozu ilə vəfat etmişdir.

Filmoqrafiya

[redaktə | mənbəni redaktə et]
İl Azərbaycanca adı Orijinal adı Rol
1944 Şöhrət günləri Days of Glory Vladimir
1945 Şahlığın açarları Keys of the Kingdom Frensis Çizholm
1945 Ovsunlanmış Spellbound Con Bellantayn
1946 Maral balası Yearling Ezra "Penni" Bekster
1946 Günəş altında duel Duel in the Sun Lüton Makkenles
1947 Centlmensayağı razılaşma Gentleman’s Agreement Filip Şöyler Qrin
1947 Makomber işi The Macomber Affair Robert Vilson
1948 Sarı səma Yellow Sky Ceyms "Striç" Douson
1949 Şaquli uçuş Twelve O’Clock High Frenk Sevic
1949 Böyük günahkar Great Sinner Fyodor
1950 Atıcı Gunfighter Cimmi Rinqo
1951 Kapitan Horasio Captain Horatio Hornblower R.N. kapitan Horasio Hornblouer
1951 David və Virsaviya David and Bathsheba Çar David
1952 Kilimancaronun qarları Snows of Kilimanjaro Harri Strit
1953 Roma tətilləri Roman Holidays Co Bredli
1954 Milyon funt sterlinq dəyərində bank bileti The Million Pound Note Henri Adams
1954 Gecə adamları Night People polkovnik Stiv Van Dayk
1954 Bənövşəyi düzənlik Purple Plain Bill
1956 Mobi Dik Moby Dick kapitan Ahab
1957 Qadını yaradarkən Designing Woman Mayk
1958 Bravados Bravados Cim Duqlass
1958 Böyük ölkə Big Country Ceyms Makkey
1959 Sevimli bütpərəst Beloved Infidel Skott
1959 Sahildə On the Beach DVayt Layonel
1961 Navaron adasının topları Guns of Navarone kapitan Kit Mellori
1962 Qorxu burnu Cape Fear Sem Bouden
1962 Bülbülü öldürmək To Kill a Mockingbird Attikus Finç
1963 Kapitan Nyumen Captain Newman, M.D. kapitan Cozef Nyumen
1965 Xəyal Mirage Devid Stiluell
1966 Arabesk Arabesque professor Devid Pollok
1968 Ayın izi ilə Stalking Moon Sem Vorner
1969 Makkennanın qızılı Mackenna's Gold Makkenna
1969 Sədr Chairman Con Hetuey
1969 İtirilmişlər Marooned Çarlz Keyt
1976 Nişanə Omen səfir Robert Torn
1977 Mak Artur MacArthur general Duqlas Makartur
1978 Braziliyadan olan oğlanlar Boys from Brazil Yozef Mengele
1980 Dəniz canavarları Sea Wolves Lüis
1982 Mavi və boz Blue and the Gray Avraam Linkoln
1983 Qırmızı və qara Scarlet and the Black Hyu O’Flerti
1987 Təəccübedici Qreys və Çak Amazing Grace and Chuck prezident
1991 Başqalarının pulları Other People's Money Endrü Yorgenson
1991 Qorxu burnu Cape Fear vəkil Li Heller
1998 Mobi Dik Moby Dick vaiz

İstinadlar

[redaktə | mənbəni redaktə et]
  1. ↑ 1 2 3 4 Bibliothèque nationale de France BnF identifikatoru (fr.): açıq məlumat platforması. 2011.
  2. ↑ 1 2 Gregory Peck // Encyclopædia Britannica (ing.).
  3. ↑ 1 2 http://www.aveleyman.com/FilmCredit.aspx?FilmID=11755&Extra=Y.
  4. ↑ 1 2 http://lifeinlegacy.com/2003/WIR20030614.html.
  5. ↑ Freedland, Michael. Gregory Peck: A Biography. New York: William Morrow and Company. 1980. ISBN 0-688-03619-8 p.10
  6. ↑ United States Census records for La Jolla, California 1910
  7. ↑ United States Census records for St. Louis, Missouri — 1860, 1870, 1880, 1900, 1910
  8. ↑ [1] Arxivləşdirilib 2010-08-27 at the Wayback Machine Days of Glory on IMDB

Xarici keçidlər

[redaktə | mənbəni redaktə et]
Vikianbarda Qreqori Pek ilə əlaqəli mediafayllar var.
Mənbə — "https://az.wikipedia.org/w/index.php?title=Qreqori_Pek&oldid=6992346"